Имрӯз, пас аз ҷаласаи назоратии ректори донишкада профессор Бахтиёр Маҳмадалӣ муовини ректор оид ба илм, инноватсия ва робитаҳои байналмилалӣ Умарҷонов Абдусафо дар утоқи кории хеш бо масъулон ҷаласа гузаронид. Дар ҷаласаи мазкур, сардорони раёсат, шуъбаву сохторҳо ширкат намуданд.
Умарҷонов Абдусафо ба масъулон як қатор масоили муҳими ҷаласаи назоратии назди ректори донишкадаро фаҳмонида, сипас баҳри иҷро ва ҳалли масоили мавҷуда, масъалагузарониҳо намуд. Дар ҷаласаи мазкур масоили нашри маҷаллаи илмӣ, сохтани имиҷи нави донишкада, муаррифӣ намудани дастовардҳои донишкада, гузаронидани таҳқиқотҳои илмӣ, навиштани лоиҳаҳои грантӣ, ҷалби мутахассисони варзида ба озмоишгоҳҳо, тарбия намудани омӯзгорони ҷавон баррасӣ карда шуд.
