Имрӯз, ректори донишкада профессор Бахтиёр Маҳмадалӣ аз факултети электромеханика боздид ба амал оварда, бо донишҷӯён мулоқот намуд. Ректори донишкадаро имрӯз дар мулоқоту машваратҳо муовини аввали ректор профессор Насриддинов Замониддин, муовини ректор оид ба илм, инноватсия ва робитаҳои байналмилалӣ профессор Умарҷонов Абдусафо, раиси Иттифоқи муттаҳидаи касаба Давлатов Давлатмаҳмад, сардори шуъбаи кор бо ҷавонон Насриддинов Шаҳбоз ҳамроҳӣ намуданд.
Ректори донишкада профессор Бахтиёр Маҳмадалӣ бо донишҷӯён ошкоро мулоқот намуда, онҳоро ба хониши хубу аъло даъват намуда, изҳор дошт, ки касбҳоро хуб аз худ намоянд ва меҳандӯсту содиқ ба арзишҳои милливу давлатӣ бошанд.
Ӯ ҳамзамон, илова намуд, ки донишкада бо зиёда аз 80 корхонаҳои саноатӣ ҳамкорӣ дорад ва бо ҷойи кор таъмин намудан мушкил нест.
Ректори донишкада дар илова изҳор дошт, ки донишҷӯён дар маҳфилҳо ва озмуну олимпиадаҳои фаннӣ фаъолона ширкат намоянд ва маҳорати худро нишон дода, соҳиби ҷоизаҳо гарданд.
Муҳтарам Бахтиёр Маҳмадалӣ ҳамчунин изҳор дошт, ки ҳоло дар донишкада тамоми шароитҳо фароҳам оварда шудааст ва Шумо донишҷӯён агар ягон камбуду мушкил дошта бошед, мустақим ба ман муроҷиат намоед.
Ректори донишкада ба декани факултети электромеханика професмор Қозиев Камолудин ҷиҳати тарбияи дурусти донишҷӯён изҳори миннатдорӣ намуд.
Шуъбаи иттилоот