Имрӯз, ректори донишкада профессор Бахтиёр Маҳмадалӣ сокини ноҳияи Дӯстӣ Ахмедов С.Р.-ро ба ҳузур пазируфтанд, ки роҷеъ ба ҳалли қазияи фарзандаш муроҷиат карда буд.
Ректори донишкадаро дар рӯзи қабул муовини аввали ректор профессор Насриддинов Замониддин, муовини декан оид ба тарбияи факултети электромеханика Саидов Анвар, масъули қабули шаҳрвандон Давлатов Хайриддин ҳамроҳӣ намуданд.
Ректори донишкада шаҳрванд Ахмедов С.Р.-ро машварат доданд, ки тибқи имкони мавҷуда метавонем, дар вақти муайян фарзанди шуморо бо ҷойи хоби бепул дар хобгоҳ таъмин намоем ва агар боз чӣ мушкилие шуд марҳамат муроҷиат намоед, мусоидат менамоем.
Ёдовар мешавем, ки қабули шаҳрвандон дар донишкада тибқи нақша баргузор мегардад ва шаҳрвандон метавонанд, ҳар ҳафта муроҷиат намоянд.
Шуъбаи иттилоот