1 сентябри соли 2017
1-сентябр -РӮЗИ ДОНИШ
Субҳи барвақт санаи 1-уми сентябр роҳраву гулгаштҳо, иншоотҳои таълимӣ ва толорҳои донишкада бо шиору овезаҳои ҷашнӣ оиди Рӯзи дониш, дарси сулҳ ва дастовардҳои истиқлолияту ваҳдати миллӣ ва дастуру ҳидоятҳои Сарвари давлат оро дода шуда буданд.
Ҷамъомади тантанавӣ бахшида ба Рӯзи дониш ва дарси сулҳ соати 8:00
бо пахши такрории намоиши мустақими телевизионӣ бо суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар расми ифтитоҳи бинои нави таълимии Академияи Вазорати корҳои дохилии Ҷумҳурии Тоҷикистон оғоз ёфт.


















Сипас, дар ҷамъомади тантанавӣ намояндаи Мақомоти иҷроияи ҳокимияти давлатии вилояти Суғд - намояндаи Вазорати саноат ва технологияҳои нави Ҷумҳурии Тоҷикистон дар МИҲД-и вилояти Суғд Шамсиева Наргиса баромад намуда табрикоти Раиси вилояти Суғд муҳтарам Абдураҳмон Қодириро ба муносибати Рӯзи дониш қироат намуд.
Инчунин, дар ҷамъомад муовини аввали раиси шаҳри Бӯстон Маҳмудзода Қаюм Қурбон  баромад намуда табрикоти Раиси шаҳри Бӯстон мӯҳтарама Рухсора Давлатзодаро ба самъи ҳозирин расонид.
Дар ҷамъомади тантанавӣ ректори донишкада дотсент Фозилзода М. баромад намуда қайд намуд, ки Раёсат ва ҷомеаи меҳнатии донишкада аз суханронии пурмуҳтавои Пешвои миллат санаи 30-юми август ба муносибати Рӯзи дониш ва дарси сулҳ руҳу илҳоми  тоза гирифта, баҳри татбиқи дастуру ҳидоятҳои Сарвари давлат, Вазорати саноат ва технологияҳои нави Ҷумҳурии Тоҷикистон, Вазорати маориф ва илми Ҷумҳурии Тоҷикистон, МИҲД-и вилояти Суғд ва шаҳри Бӯстон тамоми азму талоши худро равона месозанд.
Ҳамзамон, сарвари таълимгоҳ оиди дастовардҳои назарраси ҷомеаи меҳнатии донишкада дар соли таҳсили 2017-2018 сухан ронда, фаъолияти ҷомеаи меҳнатиро самараноку мусбӣ арзёбӣ намуд.
Дар ҷамъбасти ҷамъомад гуруҳи созию овозии “Ҷилои ёқут”-и донишкада ба аҳли ҷамъомад барномаи фарҳангию фароғатиро пешкаш намуд. Мавзӯи асосии барномаро дӯстӣ, ҷавонӣ, шукргузорӣ аз истиқлолияту ваҳдати миллӣ ва сиёсати хирадмандонаи Пешвои миллат,  муҳтарам Эмомалӣ Раҳмон ташкил медод.
Муфассал...