ҲАР КАС, КИ БА СӮЙИ ВАТАНАШ САНГ ЗАНАД,
Бар риштаи ҷони падараш чанг занад.
Модар Ватану Ватан бувад Модари мо,
Бар қалби Ватан бедилу бенанг занад.
Оне, ки зи фарҳанги Ватан фахр накард,
Ӯро намаки ин ҳама фарҳанг занад.
Аз қасри Ватан хишт канад душмани халқ,
Девору дари ғайр зи дил ранг занад.
Фарде, ки фурӯшад Ватану Модари хеш,
Ӯ киссаи ёраш ба дами танг занад.
Бар хасми Ватан ҷои Худо хоҷа худост,
Донам, ки чаро мисли харон ҳанг занад.
Хоин, ки надорад ба дилаш ишқи Ватан,
Дар ҳотаи бадхоҳи Ватан банг занад.
Он санг, ки дар дасти адӯи Ватан аст,
Бар ҷони худаш он хабиси ланг занад.
Сарбози Ватан ҳастаму бо ҷон биравам,
Бар ҳифзи Ватан гар Ватанам занг занад!
СИНОИ АБӮАЛӢ.