Дирӯз донишҷӯёни бахши иқтисодиёти факултети металлургия ва зеҳни сунъии донишкада зери роҳбарии омӯзгорони ботаҷрибаи кафедраи иқтисодиёт ва идоракунӣ Раҳматов Абдумавлон ва Назарматов Авазбек ба коргоҳи ҶДММ “Ширкати саноати кӯҳии Тоҷикистону Хитой” дар шаҳраки Зарнисор сафар намуда, дар он ҷо дарси амалӣ хонданд.
Донишҷӯён қабл аз оғози дарс бо намояндагони ширкат мулоқот карда, сипас бо тарзи кори таҷҳизоти истифодашаванда дар коргоҳ шинос гардиданд.
Ёдовар мешавем, ки кафедраи иқтисодиёт ва идоракунии донишкада дар назди се коргоҳи бузурги вилоят филиалҳои худро дорад, ки он ҷо донишҷӯён дарси амалӣ мегузаранд.
