Имрӯз, тибқи дастури ректори донишкада профессор Бахтиёр Маҳмадалӣ дар хобгоҳи донишкада миёни бошандагони хобгоҳ мусобиқаи шоҳмот баргузор карда шуд, ки дар он донишҷӯён фаъолона ширкат намуданд.
Қабл аз оғози мусобиқаи футбол миёни донишҷӯёни муқими хобгоҳ суолу ҷавоб сурат гирифт ва ба донишҷӯе, ки аз ҳама зиёд суолҳоро посух дод, туҳфа тақдим карда шуд.
Дар маросими ифтитоҳи мусобиқа, ки минбаъд ҳар ҳафта идома меёбад, мудири кафедраи геология ва нафту газ Мирбобоев Шӯҳратҷон, мудири кафедраи экология Ҳоҷибоев Далерҷон, мудири кафедраи фанҳои умумитехникӣ Воҳидов Аҳрорҷон, омӯзгори кафедраи экология Назарова Маҳина, сардори шуъбаи тарбия ва робита бо ҷомеа Муслимзода Хайём, муовини декани факултети электромеханика Саидов Анварҷон, муовини декани факултети корҳои кӯҳӣ Холбоев Рафиқҷон ширкат намуда, моҳият ва мақсади баргузории ин чорабиниро ба ҳозирин шарҳ доданд.
Дар панҷ даври бозии шоҳмот се нафар донишҷӯён соҳиби ҷойҳои якуму дуюм ва сеюм гардиданд, ки ба ғолибон сипосномаи раёсати донишкада ва туҳфаҳои хотиравӣ аз қабили лавозимоти рӯзгор аз ҷониби баргузоркунандагон тақдим карда шуд.
Ёдовар мешавем, ки чорабинии мазкур бо ташаббуси шуъбаи иттилоот) ва кафедраи геология ва корҳои нафту газ, кафедраи экология баргузор карда шуд.
