Имрӯз, дар партави сиёсати хайрхоҳонаи Пешвои муаззами миллат муҳтарам Эмомалӣ Раҳмон роҳбарияти донишкада ва Иттифоқи касаба зери роҳбарии ректори донишкада профессор Бахтиёр Маҳмадалӣ ҳайати кормандон ба мактаб интернати рақами 40-и шаҳри Конибодом ташриф оварда, дар арафаи таҷлили соли нави милодӣ ба бошандагони мактаб- интернати мазкур маҳсулот ва маводи хӯроквориву ширавориҳо, сабзиҷоту мевагиҳо ва туҳфаҳои солинавӣ тақдим намуданд. Ҳамчунин, барои аҳли мактаб – интернати рақами 40-и шаҳри Конибодом аз ҷониби ҳайати профессорию омӯзгории донишкада дастархони идона ороста шуд.
Ректори донишкада профессор Бахтиёр Маҳмадалӣ суханронӣ намуда, бошандагони мактаб- интернетро бо фарорасии Соли нави милодӣ табрик намуда, изҳор дошт, ки мо ҳамчун пайравони Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазифадор ҳастем, ки дар ҳама ҳолат бар Шумо тифлон, наврасон дасти мадад дароз намоем ва аз вазъи Шумо фарзандон хабар бигирем. Шумо ин нуктаро фаромӯш насозед, ки доим дар зери ғамхориву нигоҳубини Роҳбарияти муҳтарами кишвар ҳастед.
Ҳамзамон, дар чорабинӣ раиси иттифоқи муттаҳидаи касабаи донишкада Давлатзода Давлат, декани факултети электромеханика профессор Қозиев Камолудин, декани факултети металлургия дотсент Шамсиддинов Шӯҳратҷон, декани факултети корҳои кӯҳӣ доктори илм Самадова Гули, мудири кафедраи математикаи олӣ ва зеҳни сунъӣ Туев Шоҳин, сардори шуъбаи кор бо ҷавонон Насриддинов Шаҳбоз, сардори шуъбаи робитаҳои байналмилалии Муҳаммадиев Акбархон, муовини декани факултети корҳои кӯҳӣ Холбоев Рафиқон, кормандону омӯзгорони фаъол Ахмедова Гулшан, Абдураҳмонова Азиза, Саидов Мустафохон, Хӯҷамов Санъат ширкат намуда, табъи бошандагони мактаб- интернатро хушҳол намуданд.
Ёдовар мешавем, ки кӯмакҳои доимии донишкада ва Иттифоқи муттаҳидаи касабаи донишкада ҳамеша дар арафаи иду айём ва ҷашнҳои расмии кишвар ба ин мактаб -интернат расонида мешавад.
