Барои баланд бардоштани сатҳу сифати таълим дар ихтисосҳои Коллеҷи кӯҳӣ-металлургии Чкалов аз фанҳои иқтисодӣ ва тайёр кардани мутахассисони соҳаи иқтисодиёт аз 31. 03. 2000 кафедраи иқтисодиёт ва менеҷмент (мудир - Абдуллоева Ойим Исматовна, номзади илмҳои иқтисодӣ, дотсент) таъсис ёфтааст.
Абдуллоева Оим Исматовна ба кафедра тӯли зиёда аз 2 сол роҳбарӣ менамояд.
Аз 4. 12. 2002с. сармуаллима Шарипова  Башорат Абдурозиқовна мудири кафедраи иқтисодиёт ва менеҷмент таъин карда шуда, дар ин вазифа то 15 июни соли 2005 фаъолият мебарад.
Рустамова Манзура аз 1 сентябри соли 2005 то 29 маи соли 2006 вазифаи мудири  кафедраи фанҳои иқтисодиёт  ва менеҷментро иҷро менамояд.
Дар натиҷаи азнавсозӣ кафедраи иқтисодиёт ва идоракунии саноати кӯҳию металлургӣ 02. 10. 2006с. таъсис дода мешавад. Аз 15 ноябри  2006с. ба зиммаи Абдуллоев А. В. иҷрокунандаи вазифаи мудири кафедраи иқтисодиёт ва идоракунии саноати кӯҳию металлургӣ  то гузаштан аз озмун гузошта шуд.
Соли 2008 аз сабаби кам шудани теъдоди устодони кафедра, муваққатан фаъолияти кафедра боздошта шуда, феҳрасти фанҳои он ба кафедраи фанҳои гуманитарӣ-иҷтимоӣ гузаронида мешавад.
Як сол пас, 10. 03. 2009с. ҳамчун кафедраи алоҳида бо номи иқтисодиёт ва идоракунии истеҳсолот барқарор карда шуда, аз 10. 03. 2009с. номзади илмҳои иқтисодӣ, дотсент Сатторов М. С. мудири кафедраи иқтисодиёт ва идоракунии истеҳсолот таъин карда мешавад.
Аз соли 2009 инҷониб кафедра самти тайёр намудани мутахассисони дараҷаи бакалаврро пеша кардааст, ки ин гурӯҳи ихтисосҳо бо Қарори Ҳукумати Ҷумҳурии Тоҷикистон № 394 аз 30. 06. 2007с. тасдиқ карда шудааст.
Номзади илмҳои иқтисодӣ Назаров Хуршед Собирҷонович аз 1. 09. 2010с. мудири кафедраи иқтисодиёт ва идоракунии истеҳсолот таъин карда шуда, ин вазифаро то 1. 09. 2012с. иҷро менамояд. Дар солҳои минбаъда роҳбарии кафедра ба зиммаи сармуаллима Ниёзова Саломат Каримовна аз 5. 10. 2012с. то 1. 09. 2015с. ва Юсупов Хуршед Маҳмудҷонович аз 1. 09. 2015с. то ҳол гузошта мешавад.
Аз соли таъсисёбии кафедра то ин ҷониб ҳамчун кафедраи тахассусӣ мутахассисони ихтисосҳои 0611 - менеҷмент, 0608 - иқтисодиёт ва идора дар корхонаҳои саноатӣ, 250101-07 - иқтисодчӣ-менеҷер, 270101-09 - муҳандис-иқтисодчиро тайёр менамояд.
Дар соли таъсисёбии кафедра ҳайати проффессорону омӯзгорони кафедра аз дотсент Сатторов М. С., дотсент Назаров Х. С., сармуаллим Воситов Х. Ю., сармуаллима Ниёзова С. К., сармуаллима Шарипова Б. А., ассистент Собирова Ш., лаборанти кафедра Латипова М. иборат буда, минбаъд ҳайати кадрии кафедра аз ҳисоби омӯзгорони ҷавон - хатмкунандагони худи донишкада васеъ карда мешавад.



.
Устодони кафедра ҳангоми гузаронидани ҷаласаи корӣ

Кафедра дар тайёр намудани мутахассисони соҳа барои корхонаю муассисаҳои вилояту ҷумҳурӣ, аз наздик шинос намудани донишҷӯён бо истеҳсолот, барқарор намудани робитаҳои илмӣ-истеҳсолӣ, илмӣ-тадқиқотӣ бо корхонаю ташкилотҳои истеҳсолӣ ба монанди КВД «Фулузоти нодири Тоҷикистон», КМТК «Апрелевка», КМТА «Анзоб», ҶДММКМ «Зарафшон», КВД «Ширкати алюминийи тоҷик», ҶММ «Ширкати кӯҳӣ-саноатии Тоҷикистону-Хитой», ҶДДМ «Элегант» Комбинати металҳои нодири Ленинобод шартномаҳо дорад, ки дар он ҷо донишҷӯён таҷрибаомӯзии худро мегузаронанд.
Айни ҳол дар кафедра 2 номзади илм, дотсентон, 2 сармуаллим, 3 ассистентон фаъолият мебаранд.

Кафедраи иҷтисодиёт ва идоракунӣ
Муфассал...