Дар кафедраи Коркарди конҳои канданиҳои фоиданоки Донишкадаи куҳӣ - металлургии Тоҷикистон  санаи 24 октябри  соли равон   таҳти унвони   “Ҳеч чизи бузург дар ҷаҳон  бидуни шавқу шӯр эҷод нашудаст” маҳфили “Кӯҳкани ҷавон” баргузор гардид. Дар кори маҳфил муҳаққиқони ҷавони факултет, магистрон,  омӯзгорони кафедра ва аъзоёни маҳфили  илмии донишҷўён ширкат ва суханронӣ намуданд.  Мудири кафедра Осими Оқил, ки тоза ба ин вазифа таъин гардидааст,  ҳозиринро хайрамақдам гуфта баргузории маҳфилро дар равнақи эҷодиёти донишҷӯён муҳим арзёбӣ намуд. Маҳфил дар асоси нақшаи кории кафедра баргузор гардида, тасмим аст ҳар моҳ баргузор шавад ва васеъ намудани сафи аъзоёни маҳфил низ дар назар аст. Роҳбарии маҳфилро ассистенти ҷавону болаёқат Азизхонов Иқболхон Мамадсахиевич ба уҳда дорад.   



















Роҳбари маҳфили илмии  “Кӯҳкани ҷавон” доир ба амалӣ намудани  чорабиниҳои банақша  гирифташуда ибрози андеша намуд, ки мақсади асосии  ин маҳфил проблемаҳои мавҷудаи соҳаи кӯҳкориро бо андешаҳои созанда ва тоза мавриди муҳокима ва натиҷабардорӣ қарор додан аст.   Роҳбари маърӯзаи илмии донишҷӯ ассистент Бадалов Ҷамолиддин Нуриддинович  баромад намуда, фаъолияти ҷамъияти илмии донишҷўёнро  ҳамчун омили таҳкимбахши малакаи  донишҷўён муҳим ва зарур шуморид. Донишҷӯи курси 5, ихтисос 510201 03 “Тоза кардани канданиҳои фоиданок” Субҳонқулов Субҳонқул дар мавзўи “Мавқеи флотатсия дар бойгардонии маъдан” маърӯза намуд, ки яке аз равандҳои бойгардонӣ  буда,  дар асоси тафовути хосиятҳои физикӣ - химиявии сатҳи минералҳо, ки қобилияти гуногуни дар об таршавиро доранд, ба роҳ монда шудааст.  Дар маърӯзаи илмӣ Субҳонқулов С.  мавқеи усули флотатсиониро нисбати дигар усулҳои бойгардони ба пуррагӣ шарҳ дода,  сабаби бартарияти ин усулро аз дигар усулҳои бойгардонӣ  ба аъзоёни маҳфили илмии донишҷӯён баён дошт.  Аъзоёни маҳфил ба муҳокима баромада, ақидаҳои худро нисбат ба усулҳои гуногуни бойгардонии маъдан баён намуданд.
Кафедраи коркарди конҳои канданиҳои фоиданоки ДКМТ омӯзгорони ҷавону болаёқатро гирд овардааст ва тасмим доранд бо тарбияи мутахассисони чашмикордон дар рушди саноати кӯҳкории Тоҷикистон саҳми софдилонаи  худро гузоранд.
Дар шумораи навбатии рӯзномаи “Маъданшинос”  маълумоти муфассал оиди маҳфили кӯҳкани ҷавон пешниҳод мегардад.


                                                                                                       Роҳбари маҳфили илмии “Кӯҳкани ҷавон”-и
                                                                                              Кафедраи коркарди конҳои канданиҳои фоиданок                           
                                                                                                                                       ассистент Азизхонов И.М.
26 октябри соли 2017
Маҳфили илмии  “Кӯҳкани ҷавон” ба фаъолият оғоз кард
Муфассал...